احدهم

28 May 2007

شكرا شيطانى

لما شيطانك يتنيل على عينه ويتوكس

لازم شيطان تانى يقومه

يحفزه

ممكن نعيش من غير بشر

ملائكة

حتى الهة

لكن لا يمكنا العيش بدونهم

هم الشياطين

شبح حرية مفقودة

كان نائم

ايقظه احدهم

استقيظ

وسيفعل ما يريده

سيفعل ذلك لأنه يريده

او لأنه يحبنى

انطلاقا من قانون 16

والذى يثبت ان

الأشئش اكل الشعرية

وانه ياما ناس منكادة ومهرية

سأتبع شيطانى

...ولأنى اثق فيه

هكذا علمنى كثرة مخالفة الالهة للوعود

غدا معركتى

كم احب ما بعد النهاية

عندها لن تكون هناك خسارة

ستحارب فقد

لكى تغير النهاية

لما تعوز تمارس الجنس

مارسه

ان شالة مع الحيطة

صحيح مش هتعرف

بس يكفى انك اثبت للحيطة انك دكر

وانها هى اللى مش انثى

posted by احدهم @ 10:27 PM 5 comments

روح ذاكر

لازم تذاكر

الامتحانات قربت

يبقى اكيد لازم تذاكر

علشان تنجح

وبعدين تاخد شهادة

وبعدين تحاول تشتغل بالشهادة

وبعدين ماتعرفش تشتغل بالشهادة

وبعدين تقعد عالقهوة وفى جيبك الشهادة

وبعدين تطرد من القهوة لأن حسابك تقل

وبعدين تقعد فى البيت كام سنة كدة

وبعدين تزهق وتحاول تنتحر

وبعدين تروح لصيدالية علشان تجيب سم

وبعدين ماتقلايش غير السم ابو خمسة جنيه وانت مامعكش غير اتنين جنيه

وبعدين ماتنتحرش

وبعدين تقعد فى البيت قد كام سنة كمان

وبعدين تلاقى شغلة ويتر فى مطعم

او امن فى عمارة

والدنيا تعلبلك يا معلم

300 جنيه فى الشهر

شفت بقى انت لازم تذاكر ليه

يلا

روح ذاكر بقى

posted by احدهم @ 1:04 AM 2 comments

23 May 2007

مالكش فيه

البداية لازم تكون مميزة -

ليه لازم -

.. مالكش فيه -

بس تفتكر ابدا بأيه؟

انت مش قلت مالكش فيه -

صح .. انت صح -

صح فى ايه -

هى دى البداية -

مش فاهم -

مالكش فيه -

posted by احدهم @ 10:42 PM 1 comments

About Me

Name: احدهم
Home:
About Me: احدهم .. يعنى واحد منهم .. واستنادا على اكثر التعاريف المقبولة وهى ان احدهم هو بالطبع ليس انت اذن .. انا بالتأكيد عدوك
See my complete profile